pemidurning anadolugha kélishi

pemidur ishlepchiqirishta dunyadiki sanaqliq döletlerdin biri bolghan türkiyening pemidur bilen xéli kéchikip tonushtqanliqini bilemsiz?

tégi jenubiy we ottura amérikaning gherbiy déngiz qirghiqidiki égiz taghlar bolghan pemidur, amérika bayqalghandin kéyinki töt esir ichide dunyaning herqaysi jaylirigha tarqalghan we eng keng ösken ösümlüklerdin birige aylanghan.

pemidur yawropagha zinnet buyumi süpitide élip kélingen. «qizil méwiliri zeherlik» dep qaralghanliqtin, 16-esirge qeder ashxanilargha pemidur kirelmigen. osmanli impériyesi saraylirining ashxanilirigha kirishi üchün yene ikki esir waqit ketken. anadoluda pemidurgha munasiwetlik tunji xatiriler, 1723-yilqi osmanli impériyesi sarayliri ashxanilirining chiqim xatiriside közge chéliqidu.

osmanli impériyesi saraylirining ashxanilirigha kirgen tunji pemidur gilas tipidiki pemidurlardindur. deslepte «firansuz almisi» dep atalghan we yéshil renglik halitidila istémal qilinghan pemidur, renggi qizirishtin burun dolmisi, chorbisi étilip, dastixanlardin orun alatti. renggi qizarghan chaghda «buzuldi» dep qarilip, tashliwétiletti.

 qizil pemidurning keng tarqilishini 19-esirgiche saqlashqa toghra kéletti. pemidur bir mezgildin kéyin, osmanli impériyesi sarayliri ashxanilirining kem bolsa bolmaydighan mehsulatliridin birige aylinidu. xelq osmanli impériyesi sarayliri ashxaniliri teripidin tashliwétilgen qizil pemidurlarni yighidu.  ular «buzulghan» dep qaralghan bu méwini yéyishke bolidighan halgha keltürüsh üchün, ézip tuz bilen arilashturidu.

birinchi dunya urushidin kéyin, adana we trakyada bashlanghan pemidur ishlepchiqirish qisqa waqit ichide pütkül türkiyege tarqilidu.

 bügünki künde, pemidur türk taamliri medeniyitining kem bolsa bolmaydighan muhim bir qismidur. türkiye bolsa dunyadiki eng köp  pemidur ishlepchiqiridighan döletlerdin biridur.