anzak qoltuqi
biliwéling - 34
anzak qoltuqi
birinchi dunya urushining eng muhim aldinqi sepliridin biri bolghan chanaqqele gelibolu yérim arilidiki bir qoltuqning «anzak qoltuqi» dep atalghanliqini bilemsiz?
gerche «anzak qoltuqi» türkiyediki chanaqqele gelibolu yérim ariligha jaylashqan kichikkine bir qoltuq bolsimu, emma awstraliyeliklerge nisbeten nahayiti zor ehmiyetke ige. chünki «chanaqqele urushi» mezgilide, anzak korpusi 1915-yili 25 – aprél küni bu qoltuqtin ötken we bu yer anzaklarning asasliq herbiy bazisigha aylanghan.
bügünki künde, her yili awstraliyelikler bilen yéngi zélandiyelikler bu qoltuqta xatirilesh murasimlirini ötküzidu. anzaklarning minglarche newre – chewriliri her yili 25 – aprél küni bu rayongha kélip, bu yerde bu dunya bilen menggülük widalashqan ejdadlirini xatirileydu. «anzak qoltuqi» dégen isim, 1985-yili 25-aprél «anzaklarning xatirilesh küni» de resmiy békitilgen. yash anzak ewladliri, etigende kün chiqishtin burun, sugha kiridu we qirghaqqa qarap méngip, ejdadlirining hés - tuyghulirini chüshinishke tirishidu. «anzak qoltuqi» diki bu murasim axirlashqandin kéyin, enzaklarning newre – chewriliri, «‹Lone Pine › abidisi» ge qarap mangidu we bu yerde shéhit bolghan ejdadlirini xatirilesh üchün özlirining diniy murasimlirini ötküzidu. «Lone Pine» yeni yalghuz qarighay, awstraliye eskerliri 1915-yili 25-aprél künidiki herbiy yürüshi jeryanida körgen birdinbir qarighay derixining ismi bilen atalghan.
gerche bir esirdin köprek waqit ötüp ketken bolsimu, emma yüzligen awstraliyelik, yéngi zélandiyelik we türkiyeliklerning bir yerge jem bolup, shéhit bolup ketken ejdadlirini xatirilishi nahayiti zor ehmiyetke ige. bu, urush meydanidin tughulghan mislisiz dostluq hékayisining simwolidur.