piroféssor doktor hüseyin yilmaz

eqliy iqtidarliq téléfonlar arqiliq kündilik hayatimizgha kirgen we inqilab xaraktérlik awaz buyruq téxnikisini bir türk alimning keship qilghanliqini bilemsiz?

1926 - yili denizlining bir yézisida namrat bir ailide dunyagha kelgen hüseyin yilmaz, kichik yéshida ata-anisidin ayrilip qalidu we 12 yashqa kirgüche mektepte oqushtin mehrum qalidu. u padichiliq qiliwatqan mezgilide uchratqan oqutquchilar, uning mektepke kirishige yardem béridu. toluq ottura mektepte oquwatqan mezgilde qazanghan utuqliri we eqil-parasitining sayisida, istanbul téxnika uniwérsitéti éléktr énérgiyesi fakultétining teklipini tapshuruwalidu we uniwérsitétni mushu yerde püttüridu. u özining muweppeqiyiti we tetqiqatini qollaydighan ustazlirining wasitisi arqiliq amérika qoshma ishtatliridiki dunya boyiche eng ilghar uniwérsitétlardin biri bolghan massachuséts sanaet instituti (MIT)gha teklip qilinidu. u yerde piroféssor unwanigha érishken hüseyin yilmaz, albért éynishtiyinning «qurulma-funkisiye nezeriyesi» diki yétersizliklerni bayqighandin kéyin, dangliq alimgha mektup yollaydu. lékin, bu mektup téxi tegmep turupla, éynishtiyin bu dunya bilen menggülük widalishidu. yilmaz, bu xataliqni dangliq ilim-pen zhurnilida élan qilidu we éynishtiyinning nezeriyesige qarshi «yilmaz tartish küchi nezeriyesi» ni élan qilip, öz saheside tarix sehipisidin menggülük orun alidu.

piroféssor yilmaz özi bashqurghan téxnika shirkitide awaz kontrol qilinidighan kompyutér layihelesh arqiliq ilim-pen tarixigha qedem basidu. bu ijadiyet biz bügünki künde eqliy iqtidarliq téléfonlarda ishlitidighan awaz kontrol sistémisining ejdadidur.

2013– yili bu dunya bilen menggülük widalashqan piroféssor doktor hüseyin yilmaz, ilmiy hayatida nurghunlighan muweppeqiyetlik tetqiqatlarni élip bérip, fizika ilmigha intayin muhim töhpilerni qoshqan.