мәвланә җалалидин румини хатириләймиз

түркийә авази радийоси: анадолуниң әң йахши көрүшкә сазавәр болған диний рәһбири вә шаирлиридин мәвланә җалалидин румини рәһмәт тиләклиримиз билән әсләймиз.

униң сөзи бойичә «өлүм күни؛ сөйгининиң висалиға йетидиған күн» болуп, у бу күндә йиғлаш вә азаблинишни мәни қилған иди. мәвланә җалалидин руминиң анадолу самасида йаңриған әқил дурданилири бүгүнки күндиму йалғуз дөлитимиздила әмәс, бәлки дунйаниң һәммила йеридә җараңлиқ йаңримақта. һәр йили 17 – декабир күни конйада өткүзүлидиған «шәби аруз» мурасимлириға дунйаниң һәр қайси җайлиридин миңлиған киши униң «мәйли ким болушиңдин қәтийнәзәр йәнила кәл!» дегән чақириқиға аваз қошуп, бәс – бәстә иштирак қилмақта. 

мәвланә җалалидин руминиң инсанниң қәдир - қиммитини алдинқи пиланға чиқиридиған пәлсәпәси дунйайимизни йорутуп кәлмәктә. биз мәвлана җалалидин румини йәнә бир қетим чоңқур һөрмәт вә аллаһтин рәһмәт тиләш билән әсләймиз.