tunji ayal urush ayropilani uchquchisi leman bozqurt altinchekich heqqide némilerni bilisiz
didem öztashbashi teripidin teyyarlanghan «biliwéling» namliq pirogrammimizning bügünki sanida «tunji ayal urush ayropilani uchquchisi» heqqidiki uchurlarni siler bilen ortaqlishimiz.
türkiye awazi radiyosi: shimaliy atlantik okyan ehdi teshkilati — natoning tunji ayal urush ayropilani uchquchisining bir türk ikenlikini anglighanmidingiz?
1933–yili dunyagha kelgen leman bozqurt altinchekich, türkiye we shimaliy atlantik okyan ehdi teshkilatining tunji ayal urush ayropilani uchquchisi hésablinidu.
kichikidin bashlapla uchquchi bolushni arzu qilip kelgen altinchekich, toluq ottura mektepni püttürgen yili arzusini emelge ashurush yolida dadil qedem tashlap, türkqushu inönü merkizide pilanér meshiqini bashlaydu. 1954 – yilidiki ayallarningmu türkiye armiyesige élinsa bolidighanliqi toghrisidiki qararning sayisida izmirdiki hawa armiyesi akadémiyesige iltimas sunidu we 1955 – yili öktebirde bu yerde oqush – meshiq qilishni bashlaydu. pirqirighuchluq ayropilanlar bilen bashlighan uchush meshiqlirini 1957 – yili tamamlap oqush püttüridu. u chaghda dunyaning eng chong herbiy ittipaqi bolghan shimaliy atlantik okyan ehdi teshkilati aran besh yashta idi.
leman bozqurt altinchekich téximu yükseklerde uchush arzusi bilen urush ayropilani uchquchisi terbiyesi alidu. érishken urush ayropilani salahiyet guwahnamisi bilen uda toqquz yil uchushni dawamlashturghan altinchekich, yalghuz türkiyeningla emes, natoningmu tunji we uzun mezgil bu wezipini dawamlashturghan birdinbir ayal urush ayropilani uchquchisi süpitide tarix betliridin orun alidu.
