türkiyediki tunji ayal uchquchining kim ikenlikini bilemsiz

türkiyede 1933 – yili tunji qétim bir ayalning ochquchi bolghanliqini anglighanmidingiz?

türkiyening tunji ayal uchquchisi bedriye tahir gökmendur. 1932- yili wejihi uchquchilar mektipide awiatsiye sahesi boyiche oqushini bashlighan bedriye tahir, memurluq wezipisini ötesh bilen bir waqitta uchush meshiqlirinimu dawamllashturidu. awiatsiye sahesidiki urunushliri yüzisidin nurghun naraziliqlargha uchraydu, tosqunluqlargha duch kélidu. uchquchiliq bilen meshghul bolghanliqi üchün maashidin jerimane élinidu, axirida xizmitidin ayrilishqa mejbur bolidu. shundaqtimu uchquchi bolush arzusidin waz kechmeydu. türkiyening tunji parashutchisi we we parashut mektipining tunji mudiri bolghan abdurahman türkqushu,  1933- yili kespiy uchquchi unwanini alghan bedriye tahirgha «gökmen» dégen texellusni qoyup qoyidu. 1934 – yili famile qanunining yolgha qoyulushi bilen, bedriye tahir «gökmen» dégen familini ishlitidu.

1934-yili uchquchiliq unwanining resmiylishishi üchün oqughuchilarning imtihandin ötüshi telep qilinidu. biraq, imtihan élish ümiki yétip kelgende, mektepning birdinbir uchalaydighan ayropilanida kashila körülgenliki üchün imtihan élinalmaydu we uzun ötmeyla mektep taqilip qalidu.

gerche uchquchiliqi resmiy testiqlanmighan bolsimu, bedriye tahir gökmen, asmanda perwaz qilghan türk ayal uchquchi süpitide awiatsiye tarixidiki ornini alidu.