adem méngisining eng éniq süriti tartildi
dunyadiki eng küchlük magnitliq rézonans teswir hasil qilish üskünisi(MRI) bilen érishken adem méngisining eng éniq süriti élan qilindi.
türkiye awazi radiyosi xewiri: firansiye atom énérgiyesi we qoshumche énérgiye orgini (CEA) yazma bayanat élan qilip, «Iseult» dep atilidighan teswir hasil qilish üskünisi bilen tartilghan chong ménge süritining, 20 nechche yil dawamlashqan tetqiqat netijiside qolgha keltürülgenlikini bildürdi.
mezkur üsküne bilen yéqinqi bir qanche ayda 20 neper pidaiy üstide tejribe qilinghanliqi eskertilgen bayanatta, eng éniq ménge teswirige texminen töt minutta érishilgenliki qeyt qilindi.
bayanatta, 11.7 tésla magnit küchige ige mezkur üsküne bilen qisqa waqit ichide tartilghan süretlerning, doxturxanilarda köp ishlitilidighan üskünilerde bir nechche saet waqit kétishi mumkinliki körsitildi.
firansiye atom énérgiyesi we qoshumche énérgiye orgini tetqiqat diréktori nikolas bolant (Nicolas Boulant) téximu yuqiri süpetlik sanliq melumatqa érishish üchün bu tetqiqatning yene bir qanche yil dawamlishidighanliqini, 2026-yildin 2030-yilghiche nérwa ajizlash késellikliridin bashqa, rohiy késellikler we rohiy tomur ösmisi qatarliq nérwa sahesidiki köpligen késelliklerni tekshürüshni nishan qilghanliqlirini bildürdi.
«Iseult MRI» üskünisining arqiliq érishken derijidin tashqiri inchike anatomiyelik uchurlarning, alzimér (Alzaymır) we parkinson (Parkinson) qatarliq késelliklerge diagnoz qoyushiqa yardimi bolidighanliqi texmin qilinmaqta.
