tokyoda iptar paaliyitige yaponlarmu qatnashmaqta
yaponiyede ramizan xushalliqi, tokyo jamesi diyanet türk medeniyet merkizide bérilgen iptarlar bilen téximu yuqiri pellige chiqti.
türkiye awazi radiyosi xewiri: türkiye diniy ishlar idarisigha qarashliq tokyo jamesi ramizanda paytextte yashaydighan musulmanlar bilen yapon xelqini bir-biri bilen yéqindin uchrashturmaqta.
yaponlar kündüzi jameni ziyaret qilsa, kechte iptar waqtida musulman kishiler bilen hemdastéxan bolmaqta.
iptar munasiwiti bilen islam dinini chüshinish pursitige ige bolghan yapon xelqi, jame we roza tutush toghrisida melumatlargha ige bolalaydu.
tokyo jamesining imami adem lewent yaponiyelik méhmanlarni aldinala tizimlitish usuli bilen qobul qiliwatqanliqlirini bildürüp, iptardin ilgiri jameni tonushturup, roza toghrisida melumat bériwatqanliqlirini we islam toghrisida soallargha jawab bériwatqanliqlirini qeyt qildi.
u mundaq dédi:
«dastéxanda biz bilen bille olturup, iptar qilish, ulargha bashqiche hés-tuyghu ata qilidu. etrapqa qarap xushalliqidin bu yerde néme üchün birlikte iptar qilinidighanliqini sorishidu. iptardin kéyin, yene ziyaret üchün kélidighanliqlirini bildürüp, rehmet éytqiniche xushal halda qaytidu.»
