tika pelestinge ramizanliq yardem yetküzdi
türk hemkarliq we kordinatsiye agéntliqi-tika (TİKA) pelestinning oxshimighan sheherliridiki musapirlar lagérida yashawatqan ming ailige yardem qilish meqsitide, pelestin wexpiler we din ishliri ministirliqigha ramizanliq yémek-ichmek bolaqlirini tapshurdi.
türkiye awazi radiyosi xewiri: isirailiyening ishghali astidiki gherbiy qirghaqta yillardin buyan dawamliship kelgen ishghal siyasetlirige baghlinishliq ijtimaiy, iqtisadiy qiyinchiliqlar, 7-öktebir (2023) de ghezzede bashlanghan urushtin kéyin téximu kücheydi.
urushtin kéyin köpeygen ishsizliq we kembeghelliktin bashqa, jenin, tulkerim, kalkilya, tubas, nablus we ramallah qatarliq sheherlerge, bolupmu bu sheherlerdiki musapirlar lagérlirigha qaritilghan bésim we hujumlarmu köpeymekte.
tika pelestinning oxshimighan sheherliridiki musapirlar lagérida yashawatqan ming ailige yardem qilish meqsitide, un, yagh, gürüch, purchaq, merjimek, qurutulghan chöp qatarliq kündilik turmush lazimetlikliridin terkip tapqan ramizan bolaqlirini, pelestin wexpiler we din ishliri ministirliqigha tapshurdi.
tika xadimliri yene, yéqinqi künlerde hujumlargha uchrighan elamari musapirlar lagérini ayrim ziyaret qilip, bu yerdiki mohtaj aililergimu yémek-ichmek boliqi tarqatti.
