yaponiyede tughut nisbiti yilmu yil töwenlimekte
yaponiyede kirizis sewiyeside bolghan tughut nisbiti 2022-yilgha sélishturulghanda %5.1 töwenlidi.
türkiye awazi radiyosi xewiri: yaponiyede 2023-yili 758 ming bowaq tughulghan bolup, bu reqemning 2022-yilgha sélishturulghanda %5.1 töwen ikenliki, toy qilish nisbitiningmu %6 töwenlep 489 minggha chüshkenliki élan qilindi.
yaponiye ichki kabéntining bash katipi yoshimasa hayashi mundaq dédi:
«tughut nisbitidiki töwenlesh xeterlik sewiyede, chünki 2030-yilghiche yashlarning sani téximu töwenleydu. bir mezgildin kéyin, buni keynige qayturush pursitimizmu qalmaydu.»
bash wezir fumiyo kishidamu ötkenki künlerde yéqinqi yillardiki tughut nisbitidiki töwenleshning, döletning eng chong mesilisi ikenlikini tekitligen idi.
yaponiye hökümet mesulliri «nopusning qérilishishi» gha qarshi ilgiri körülüp baqmighan derijide muhim chare-tedbirlerning yolgha qoyulidighanliqini élan qilghandin kéyin, taratqularda yéngi toy qilghan we perzent körgenlerge, bala béqish toluqlimisini köpeytish, yashlarning maash toluqlimilirini östürüsh qatarliq kishilerni baliliq bolushqa ilhamlanduridighan iqtisadiy muhit berpa qilinidighanliqi xewer qilinghan idi.
