yuqiri turmush bésimi yürek késili xewipini kücheytiwétidu
yashliq chaghlardiki turmush bésimi yashning chongiyishigha egiship yürek késilige giriptar bolush xewpini ashuruwétidu.
türkiye awazi radiyosi xewiri: amérikada élip bérilghan bir tetqiqatta, yashliqning deslepki chaghlirida éghir bésimgha duch kelgen kishilerning, yéshining chongiyishigha egiship yürek késilige giriptar bolush xewipining yuqiri ikenliki bayqaldi.
tetqiqatchilar jenubiy kaliforniye uniwérsititi qarmiqidiki balilar saghlamliq merkizining tetqiqatigha qatnashqan 13 yashtin 24 yashqiche bolghan 276 kishining sanliq melumatlirini tekshürdi.
tetqiqatqa qatnashquchilar bésim derijisige asasen «izchil yuqiri bésim», «waqitning ötüshige egiship azayghan bésim », «waqitning ötüshige egiship ashqan bésim» we «izchil töwen bésim» qatarliq töt guruppigha ayrildi.
tetqiqatchilar, bésim sewiyesi yuqiri kishilerning kéyinki waqitlarda köp semirip ketkenlikini we sémizlik xewipining yuqiri ikenlikini, shunga yürek késilige giriptar bolush xewpining yuqiri bolidighanliqini bayqighan.
bu kishilerning yene, yashning chongiyishigha egiship qan-tomur saghlamliqining nacharlashqanliqi we ularning qan bésimining yuqiri ikenlikimu éniqlanghan.
tetqiqat netijisi «amérika yürek birleshmisi» zhurnilida élan qilindi.
