t r t höjjetlik filim mukapatliri istanbulda tarqitildi

türkiye awazi radiyosi xewiri: t r t 14-qétimliq t r t xelqaraliq höjjetlik filim mukapatliri texminen 100 dölettin qatnashturulghan 1000 filimdin töt katégoriye boyiche tallanghan  32 filimge bérildi.

«The Lens of the Democracy» höjjetlik filimi eng yaxshi filim mukapatigha, «Giselou» ikkinchilikke, «A Golden Life» üchinchilikke érishti.

döletlik kespiy höjjetlik filim katégoriyeside, «Flanöz» namliq filim eng yaxshi filim mukapatigha, «bilge ana mewlude gench» filimi medeniyet we sayahet ishliri ministirliqining mexsus mukapatigha, «Kavur» filimi bahalighuchilarning alahide mukapatigha érishti.

memliketlik oqughuchilar mukapati katégoriyeside «asmangha qara» filimi eng yaxshi filim mukapatigha, «nan qolwiqi» filimi ikkinchilikke, «xeyrilik kech bowa, séni yaxshi körimen» üchinchilikke, layihe qollash katégoriyeside «boshluq», «séningmu toyungni körsek» we «tuzdin xiyallar» filimliri mukapatqa érishti.

t r t bash mudiri mehmet zahid sobaji 14-qétimliq t r t höjjetlik filim féstiwalining «yiltizi chongqur izlar, küchlük hékayiler» témisida ötküzülgenlikini bildürüp, paaliyetning türkiyening eng chong höjjetlik filim féstiwali ikenlikini qeyt qildi.

u türkiyede höjjetlik filim tarixigha qarighanda, höjjetlik filimchilikni t r t din ayrip qarashning mumkin emesliki eskertip, t r t höjjetlik filim mukapatlirining dunyaning oxshimighan jayliridiki höjjetlik filim ishligüchilerni uchrashturidighan tonulghan paaliyet ikenlikini bildürdi.

u höjjetlik filimlerning bashqilardin ayrip turidighan alahidiiklirining birining, dunyawning négizlik mesililirini bayqap, hel qilinishini yorutush, réalliqtiki barliq adaletsizliklerni ashkarilash ikenlikini qeyt qildi.

u mundaq dédi:

«melum bolghinidek, isirailiye 7-öktebir (2023) din buyan ghezzede irqiy qirghinchiliq yürgüzüwatidu. özliri otturigha chiqarghan bir qatar uqumlar arqiliq dunyani tengsheshke urunuwatqan gherb döletlirining atalmish ​​erkin, emeliyette kontrol qilinghan taratqulirining qandaq <üch maymun> (bir weqeni körmidim, anglimidim, démidim, dep közini parqirtip turuwélish) oynighanliqigha shahit boluwatimiz. isirailiyening ötküzgen insaniyetke xilap jinayetlirige qarshi eng chong naraziliq sadaliri adil dunya tesewwuri bilen 8 milyard kishining heq-hoquqini qoghdighan türkiyedin yükselmekte. dölitimiz ajizni qoghdashtek meydanini namayan qilip, pütkül dunyagha adalet we heqqaniyet toghrisida sawaq birish bilen bir waqitta, türkiyening jamaet taratqusi bolush süpitimiz bilen, xewer- pirogrammilirimiz arqiliq qatilning we qurbanning kim ikenlikini delil-ispatlar asasida anglitiwatimiz. »

u axirida, féstiwalda ghezze üchün ayrim orun ajratqanliqlirini bildürüp, féstiwal üchün küch chiqarghan barliq höjjetlik filim ishligüchilerge, bahalighuchilargha we xizmetdashlargha teshekkür éytti.