t r t höjjetlik filim mukapati tarqitish murasimi istanbulda ötküzülidu

türkiye awazi radiyosi xewiri: 14-qétimiliq «t r t xelqara höjjetlik filim mukapatliri tarqitish murasimi», töt katégoriye boyiche ötküzülidu. murasimgha, 100 döletning mingdin artuq filimi qatnashturulidu. axirida, 32 filim özara riqabetlishidu.

medeniyet we sayahet ishliri ministirliqining qollishi astida höjjetlik filim ishligüchilerni qollash, höjjetlik filimchiliqning tereqqiy qilishi we omumlishishigha hesse qoshush meqsitide ötküzülidighan murasimning témisi «yiltizi chongqur izlar, küchlük hékayiler» bolidu. höjjetlik filimlerning bügüni we etisige munasiwetlik léksiye sözlesh, özara tejribe almashturush paaliyetlirimu ötküzülidu.

istanbul fishekxananing 6-zali we bashqa körgezme zallirida, rizhéssorlar shundaqla tonulghan filim ishligüchiler léksiye sözleydu, t r t höjjetlik filim qanilida tonulghan kishiler bilen özara tonushush paaliyetliri ötküzülidu.

léksiye sözligüchiler arisida, derwish zaim, tamara kotéwska, mohsin énnaymi, reshad strik we kiwanch kasabali qatarliq  öz saheside yétiship tonulghan kishilermu bar.

murasimgha qatnashturulghan höjjetlik filimler we mexsus tallanghan höjjetlik filimler töt kün boyiche fishekxananing 2-, 4- we 5-nomurluq zallirida xelqqe ochuq shekilde heqsiz qoyulidu.

murasim chiyara awésani rizhéssorluq qilghan «ghezzede erasmus» filimi bilen bashlinidu. 17-dékabir jemiy 12 mukapat we bu yil (2023) gha atalghan «100-yil alahide mukapati» tarqitilidu.

«t r t xelqara höjjetlik filim mukapatliri tarqitish murasimi» ning waqti we musabiqiliri toghrisida tepsiliy uchurgha «trtbelgesel.com» adrésidin érishkili bolidu.