«1915 chanaqqele köwrüki layihesi» xelqaraliq mukapatqa layiq körüldi
«1915 chanaqqele köwrüki layihesi» merkizi amérikagha jaylashqan «qurulush xewerliri xatirisi» (Engineering News Record) zhurnili teripidin «yilliq layihe» bolup bahalandi.
türkiye awazi radiyosi xewiri: qatnash ministiri abdulqadir uraloghlu yazma bayanat élan qilip, «1915 chanaqqele köwrüki layihesi» ning inzhénérliq we binakarliq qurulushliri toghrisida xewer, analiz we köz qarashlarni élan qilidighan dunyadiki eng dangliq heptilik «qurulush xewerliri xatirisi» zhurnili teripidin «yilliq layihe» bolup bahalanghanliqini bildürdi.
u köwrük layihesining türkiye jumhuriyiti qurulghanliqining 100-yiligha atap simwollashturghan muhim layihe ikenlikini alahide eskertip, omumiy uzunluqining 4 ming 608 métir ikenlikini qeyt qildi.
u «yilliq layihe» mukapatlirining 19-dékabir (2023) da torda ötküzülidighan mukapat tarqitish murasimida tarqitilidighanliqini bildürüp: «layihemizge bérilidighan mukapatlar, hemmimizni sherepke ige qilidu. layihemiz oxshimighan ikki mukapatqa érishti. layihe bu ikki mukapatni qoshqanda, döletlik we xelqaraliq bolup jemiy 24 mukapatqa érishti» dédi.
«1915 chanaqqele köwrüki layihesi» 2021-yili qurulushi bashlanghanda «qurulush xewerliri xatirisi» zhurnili 10 betlik mexsus sehipe ajratqan bolup, 318 métir égiziliktin tartilghan süriti zhurnalning muqawisigha bésilghan idi.
