niyu yorktiki türk öyide «xelqara yémek - ichmek féstiwali» ötküzüldi
amérika qoshma ishtatlirining niyu york shehiridiki türk öyi ikkinchi qétim «xelqara yémek - ichmek féstiwali»gha ishiklirini achti.
türkiye awazi radiyosi xewiri: chet el konsulxaniliri jemiyitining orunlashturushi, türkiyening nyu yorktiki konsulxanisining sahibxanliqida uyushturulghan «xelqara yémek - ichmek féstiwali»gha 18 dölet ishtirak qildi.
féstiwalgha, niyu yorkta wezipe ötewatqan konsulxanilarning xadimliri, yuqiri derijilik rehberler, diplomatik orunlarning xadimliri we nurghun méhmanlar qatnashti.
muzika konsérti tengkeshlikide ötküzülgen féstiwalda filippin, bulghariye, qazaqistan we méksika senetkarliri özlirining eneniwi muzikiliri bilen qisqa nomurlarni orunlidi.
méhmanlargha her xil türk we dunya yémek – ichmekliri teqdim qilindi.
türkiyening niyu yorkta turushluq bash konsuli reyhan özgür féstiwalda sözi jeryanida, bu paaliyetlerning köpinchisining bashqa alaqidar terepler, bolupmu niyu yorktiki diplomatik orunlar, konsulxanilar we ammiwi teshkilatlar bilen birlikte uyushturulghanliqini tilgha élip: «türk öyi, bu alahidiliki bilen, niyu yorktiki medeniyet we diplomatik merkezge aylandi» dédi.
buning meyli awamning we meyli bashqa döletlerning aldida bolsun, türkiyening téximu yaxshi tonulushigha töhpe qoshuwatqanliqini tekitligen özgür, türk öyining bu funksiyesini dawamlashturidighanliqini sözlirige ilawe qildi.
