t r t world qibris toghrisida höjjetlik filim ishlidi
yéqinqi yillardiki muweppeqiyetlik xizmetliri diqqet qozghawatqan t r t world (TRT World) qanili qibris toghrisida höjjetlik filim ishlidi.
türkiye awazi radiyosi xewiri: t r t world qanili shimaliy qibris türk jumhuriyiti qurulghanliqining 40-yilliqini tebriklesh we qibris tinchliq herikitining 50-yilliqi munasiwiti bilen alte qisimliq höjjetlik ishlidi. filimde qibris türk xelqining mewjudiyiti we musteqilliq hékayiliri bayan qilinidu.
türkche «musteqilliq yoli» dep atalghan höjjetlik filimde, qibris tinchliq herikitining 50-yilliqini xatirilesh nuqtisidinmu muhim hésablinidu.
mezkur höjjetlik filim shimaliy qibris türk jumhuriyiti, türkiye, girétsiye, firansiye, ispaniye we jenubiy qibrista süretke élindi.
qibris türk xelqining qarshiliq körsitish herikiti bashlanghan erenköyde bügüngiche éytilmighan nurghun weqelerge tepsiliy orun ajritildi.
t r t world xadimliri b d t ning kontrolluqidiki biterep rayondimu süretke aldi. siyasetchiler, sabiq dölet pirézidéntliri, ministirlar, diplomatlar, b d t we yawropa ittipaqi mesulliri, tarixchilar, mujahidlar, ghazilar we nurghun guwahchilarni öz ichige alghan 50 din artuq kishi ziyaret qilindi.
