gérmaniyede jame hujumgha uchridi

türkiye awazi radiyosi xewiri: gérmaniyening bochum shehirige yéqin daxlxawsén rayonida diniy ishlar türk - islam birlikige tewe sultan ehmed jamesining derwazisigha siwastika we dawid yultuzi simwolliri sizip qoyuldi, jamening simwolliri köydürüwétilmekchi boldi.

daxlxawsén rayonidiki diniy ishlar türk - islam birlikige tewe sultan ehmed jamesi jemiyitining mesuli güngör qadir güwen, tünügün (18-öötebir) kéche jamege qilinghan bu hujumdin bamdat namizigha kelgen jamaetning xewer tapqanliqini eskertti.

u aldi bilen jamege ot qoyuwétilmekchi bolghanliqini tekitlep mundaq dédi:

«andin jamening derwazisigha siwastika we dawid yultuzi simwolliri sizip qoyuluptu. bir qanche qétimliq urunushlargha qarimay, bextke yarisha jamege ot ketmeptu, eger ot ketken bolsa, qorqunchluq apet yüz bergen bolatti. jamemizge qilinghan bu hujumni qattiq eyibleymiz. jinayet sadir qilghuchi yaki qilghuchilarning tézdin qolgha chüshürülüp, sotqa tapshurup bérilishini telep qilimiz.»

igilinishiche, saqchilar bu weqeni tekshürüshke bashlighan.