dunya boyiche eng baldur tughulghan qoshkézekler «jinis dunya rékorti qamusi» gha kirgüzüldi

türkiye awazi radiyosi xewiri: tughulushtin burun saq – salamet tughulalmaydighanliqi bildürülgen qoshkézekler ötken yili (2022) 4-mart muddettin 126 kün burun dunyagha keldi.

buningdin ilgiri 2018-yili amérika qoshma ishtatlirining iowa ishtatida 125 kün baldur tughulghan qoshkézekler «jinis dunya rékorti qamusi» gha kirgüzülgenidi.

melumatlargha qarighanda, normal hamilidarliq adette 40 hepte dawamlishidiken. kanadada tughulghan qoshkézeklerning ehwali bolsa ularning muddettin 18 hepte burun tughulghanliqini körsitidiken.

tughulghan waqitta qiz bowaq adiyah 330 giram, uning oghul qérindishi adriyal bolsa 420 giram iken. bu ikki qoshkézekning omumiy éghirliqi 750 giram bolup, bu ikkisi hazirghiche eng yénik halette tughulghan qoshkézek hésablinidiken.

deslepki éghir saghlamliq mesilisige qarimay, adiyah bilen adriyal hazir bir yashqa kirgen.