antalyagha kelgen sayahetchilerning sani köpeydi
bu yilning aldinqi 7 yérim éyida türkiyede eng köp 5 yultuzluq méhmansaray bolghan antalyagha chet eldin kelgen sayahetchilerning sani 8 milyondin éship ketti.
türkiye awazi radiyosi xewiri: déngizi, déngiz sahilliri, tebiiy menziriliri, tarixi we medeniyet bayliqliri bilen yilning 12 éyida sayahetchilerni kütüwalidighan antalyadiki sayahet paaliyetliri «kowid – 19» yuqumidin burunqi ehwaligha qaytishqa bashlidi.
aldinqi yili texminen 9 milyon sayahetchini kütüwalghan bu sheher, bu yil 1-yanwardin 17-awghustqiche bolghan ariliqta 8 milyon 15 ming 366 chet ellik sayahetchini kütüwaldi.
rosiyening birinchilik ornini bu yil gérmaniye igilidi. gérmaniyedin bulturning oxshash mezgilige sélishturghanda% 250 éshish bilen 1 milyon 364 ming sayahetchi keldi.
her yili birinchi orunda turidighan rusiye bu yil ikkinchi rettin orun aldi. aldinqi yilining oxshash mezgilige sélishturghanda% 13 éshish bilen, rusiyedin bu yil 1 milyon 276 ming sayahetchi antalyagha keldi.
617 ming 440 sayahetchi bilen engiliye rusiyedin kéyinki retke tizildi.
bu yil antalyagha polshadin 392 ming 135 sayahetchi, gollandiyedin 236 ming 115 sayahetchi keldi.
