«ayda qeyerge barisen?» filimi yene bir mukapatqa érishti

türkiye awazi radiyosi xewiri: yawropa parlaménti we yawropa filim akadémiyesi teripidin bérilgen bu yilliq (2022) mukapatqa, boshnaq rézhissor jasmila zbanikning srébrénitsa irqiy qirghinchiliqini mezmun qilghan türkiye radiyo-téléwiziye idarisi- t r t birlikte ishligen «ayda qeyerge barisen?» (Quo Vadis Aida?) namliq filim layiq körüldi.

yawropa filim mukapati firansiyening strazburg shehiride ötküzülgen yawropa parlaménti omumiy kéngishi yighinida bérildi.

mukapatni yawropa parlaméntining bashliqi robérta métsolaning qolidin tapshuruwalghan boshnaq rézhissor jasmila zbanik, srébrénitsa irqiy qirghinchiliqigha munasiwetlik filimni süretke alghan waqitta, bosniye-gértségowinadiki urushni yawropada yüz bergen axirqi urush süpitide körgenlikini bildürdi.

u yawropa parlaméntining parlamént ezalirigha xitab qilip: «yawropaliqlarning ukrainada urushqa qandaq yol qoyghanliqigha eqlim yetmeydu. hemminglarni ukrainadiki urushni axirlashturushning charesini tépishqa chaqirimen» dédi.

yawropa parlaméntining bashliqi métsola filimning srébrénitsaliq ayallar we anilar üchün nahayiti küchlük adalet chaqirqi bolghanliqini bildürüp: «insaniyetke qilinghan bundaq jinayet hergiz untulmasliqi kérek» dédi.

mukapat tarqitish jeryanida srébrénitsa we zepa aniliri jemiyitining bashliqi munira subasikmu söz qildi.

u: «ukrainada anilar peryat chékiwatidu, ular balilirining jesetlirini izdewatidu. peqet bolmighanda bir qanche ana bolsimu az azap tartsun dep, silerge ukrainadiki urushni axirlashturushunglar üchün yalwurimen» dédi.

«ayda qeyerge barisen?» namliq filim 1995-yili yazda srébrénitsada tinchliq saqlash qisimlirigha terjimanliq qilghan aydaning hékayisini bash téma qilidu. srébrénitsadiki weqeler ailisi b d t lagérida turuwatqan oqutquchi aydaning qarashliri bilen chüshendürülidu. filim ilgirimu yawropa filim akadémiyesi teripidin ötküzülgen 34–qétimliq yawropa filim féstiwalida eng yaxshi filim mukapatigha érishken idi.