fayzérning wuxen wirusi dorisining testiqqa érishmigenliki bildürüldi
amérika yémeklik we dora nazaret qilip bashqurush idarisi (FDA) dora zawuti fayzérning «Pfizer» wuxen wirusi (Kovid-19) dorisining wirus bilen qayta yuqumlanghan bimarlargha paydiliq ikenliki toghrisida «héchqandaq pakit yoqluqi» ni élan qildi.
türkiye awazi radiyosi xewiri: amérika yémeklik we dora nazaret qilip bashqurush idarisi yuqumluq késellikler ishxanisining dériktori jon farléy (John Farley), fayzérning wuxen wirusi dorisi pakslowid (Paxlovid) heqqide toxtilip: «deslepki dawalashtin kéyin, qayta-qayta wuxen wirusi alametliri bar bimarlarning uzunraq dawalashni bashtin kechürüshi yaki pakslowid bilen dawalinishining paydiliq ikenlikige munasiwetlik héchqandaq delil yoq» dédi.
u klinikiliq tetqiqatlardin qolgha kelgen sanliq melumatlarning dawamliq tekshürülüwatqanliqini bildürdi.
fayzérning bash ijraiye emeldari albért borla wuxen wirusi bilen yuqumlanghan bimarlarning «antibiotiklargha oxshash ikkinchi basquchluq dawalashni bashlishi kéreklikini» otturigha qoyghan idi.
wuxen wirusi bimarlirining doxturxanida yétish we ölüsh nisbitini töwenlitidighanliqi ilgiri sürülgen pakslowid dorisi téxi amérika yémeklik we dora nazaret qilip bashqurush idarisi teripidin testiqlanmighan bolup, uda besh kündin uzun ishlitish ruxsiti yoq.
