«қизиқиш» намлиқ чарлаш машиниси марста карбон изини байқиди
америка аләм қатниши идариси-наса (NASA) «қизиқиш» (Curiosity) топлиған чөкмә әвришкилиридә қизил пиланетада карбонниң барлиқини оттуриға чиқарғанлиқини елан қилди.
түркийә авази радийоси хәвири: америка аләм қатниши идариси-наса (NASA) «қизиқиш» (Curiosity) топлиған чөкмә әвришкилиридә қизил пиланетада карбонниң барлиқини оттуриға чиқарғанлиқини елан қилди.
марста карбон изиниң байқилиши, буниңдин илгири бу пиланетада мәвҗут болған һайатлиқ еһтималидин бешарәт беридиғанлиқи қәйт қилинди.
карбонниң йәр шаридики һайатлиқниң асаси икәнлики мәлум, карбон дәврийлики карбон атомлирини йиғивелишниң тәбиий җәрйанини көрситиду.
йәршарида карбон атомлири атмосферадин тупраққа, тупрақтин атмосфераға қайтқанда бир дәврийликни баштин кәчүриду. америка дөләтлик окйан вә атмосфера башқуруш идарисиниң (NOAA) доклатиға қариғанда, карбонниң көпинчиси таш вә чөкмиләрдә икән. қалғанлири деңиз-окйан, атмосфера вә җанлиқларда учрайду.
йәр шаридики карбон атомлириниң йиғивелиш дәврийлики билән биологийәлик һайатни көрситиши, тәтқиқатчиларниң марста һайатлиқ бар-йоқлуқини ениқлишиға йардәм берәләйду.
насаниң чарлаш машиниси «қизиқиш» 2012-йили 8-айда қизил планетадики гале крейтер (Gale Krateri) ға қонған иди.
