kanada wuxen wirusi dorisini testiqlidi
kanada sehiye ministirliqi fayzér tetqiq qilip yasighan wuxen wirusi (Kovid-19) dorisining testiqlanghanliqini élan qildi.
türkiye awazi radiyosi xewiri: kanada sehiye ministirliqi fayzér tetqiq qilip yasighan wuxen wirusi (Kovid-19) dorisini testiqlidi.
kanada sehiye ministirliqining bayanatida, «pakslowid» (Paxlovid) dep atilidighan dorining, kanadada wuxen wirusigha qarshi éghizdin istémal qilish testiqigha érishken rétsipliq tunji dora ikenliki qeyt qilindi.
bayanatta, mezkur dorini wirus bilen yuqumlanghandin kéyin, késellik alamiti yenggil yaki ottura derije bolghan bimarlarni dawalash üchün 18 yash we yuqiri yashtikilerge, yuqumlanghanliqi toghrilanmighan késel bolush xetiri yuqiri bolghanlargha bérishke bolidighanliqi eskertildi.
fayzér shirkiti 16-noyabir (2021) wuxen wirusigha qarshi tetqiq qilip yasalghan dorini, ehwali ottura derije we xeterlik bimarlargha, shundaqla waksina emletmigen kishilerni dawalashta qollinish üchün amérika yémek-ichmek we dora idarisigha iltimas sunghan idi.
fayzér shirkiti mezkur dorining ottura we ehwli xeterlik bimarlarning doxturxanida yétip dawalinish we ölüm nisbitini %89 azaytqanliqini élan qilghan idi.
amérika bilen engliyemu «pakslowid» dorisini testiqlighan idi.
مۇناسىۋەتلىك خەۋەرلەر
nigériyelik yash süniy chach yasashta jinés dunya rékortigha kirdi
nigériyelik süniy chach ustisi özi yasighan «eng keng süniy chach» jinés dunya rékortigha kirdi.
