истанбулда өзбекстан мәдәнийәт күнлири паалийити өткүзүлди
истанбулда өткүзүлгән өзбекстан мәдәнийәт күнлири паалийитидә, өзбекстанлиқ сәнәтчиләрниң консертлири көрситилгәндин башқа, өзбекстанға мунасивәтлик фотографлар көргәзмә қилинди.
түркийә авази радийоси хәвири: түркийә мәдәнийәт вә сайаһәт министирлиқи билән өзбекстан мәдәнийәт министирлиқи бирликтә өзбекстан мәдәнийәт күнлири паалийити өткүзди.
истанбул дөләтлик тийатири мәҗидийәкөйдики сәһнисидә түнүгүн (2021-йили 16-декабир) башланған паалийәткә, өзбекстан муавин мәдәнийәт министири алим мирзайев, истанбул муавин валийси өзләм бозкурт гәврәк, өзбекстан баш әлчиси алишәр ағзамғоҗайев, өзбекстанниң истанбул консули амирсәид ағзамғоҗайев, беларусийәниң истнбул консули алекси шйед вә нурғун меһманлар иширак қилди.
түркийә җумһур рәиси рәҗәп таййип әрдоғанниң видео нутқи билән башланған паалийәттә, өзбекстанлиқ сәнәтчиләрниң консерти қойулди.
паалийәттә йәнә, өзбекстанниң тарихий әсәрлири вә иҗтимаий турмушини әкс әттүридиған фотографлар көргәзмә қилинди.
