seudi erebistan ömre qilidighanlar üchün yéngi belgilimilerni chiqardi

türkiye awazi radiyosi xewiri: seudi erebistan hökümiti jenubiy afriqada peyda bolghan we omikron dem nam bérilgen wuxen wirusi wariyanti tarqiliwatqan bir peytte, yéngi chégradin kirish belgilimilirini élan qildi.

bu heqtiki bayanatta, 18 döletning puqralirigha waksina emletken bolsimu, chégradin kirgüzülmeydighanliqi bildürüldi.

bu döletlerning, malawi, zambiye, madaghasqar, angola, komorlar, jenubiy afriqa, nambiye, botswana, zimbabwé, mozambik, lésoto, éfiyopiye we éswatini ikenliki we seudi erebistanda yéngi wariyantning chong endishelerge seweb boluwatqanliqi qeyt qilindi.

seudi erebistan hej we ömre ministirliqi bayanat élan qilip, ömre qilidighanlar üchün chiqirilghan belgilimilerge yéngidin tüzütüsh kirgüzdi.

bayanatta, seudi erebistan teripidin étirap qilinghan waksinalarni emletkenler karantin qilinmaydu. emma, seudi erebistan étirap qilmighan waksinalarni emletken yaki dunya sehiye teshkilati étirap qilghan waksinalarni emletkenler üch kün karantin qilinidu. karantin waqti axirlashmighanlardin menpiy tekshürüsh netijisi telep qilinidu. seudi erebistan ikki shishe fayzér-biyonték, komirnati, oksford astrazénéka, kowishild, biyosaynis, wakszéwriya, modérna, spikéwaks, bir shishe jonson we jonson waksinalirini étirap qilidu.