atatürkning ebediylikke seper qilghanliqining 83-yilliqi xatirilendi
bügün (2021-yili 10-noyabir) türkiye jumhuriyitining qurghuchisi mustapa kamal atatürkning ebediylikke seper qilghanliqining 83-yilliqi.
türkiye awazi radiyosi xewiri: türkiye 57 yilliq hayatida xelqi we wetinining musteqilliqi üchün qilghan her bir kürishini herbiy- siyasiy talanti sayisida ghelibe bilen tajlandurup, türk we dunya tarixigha namini altun herpler bilen yazdurghan rehbirini, yene bir qétim söygü, hörmet we minnet bilen xatirileydu.
atatürkning ebediylikke seper qilghanliqining 83-yilliqida, atatürk xatire sariyida murasim ötküzüldi.
türkiye jumhur reisi rejep tayyip erdoghan bashchiliqidiki heyet atatürk xatire sariyini ziyaret qildi.
türkiye büyük millet mejlisi (parlaménti) bashliqi mustafa shentop, muawin jumhur reis fuat oktay, jumhur reislik kabéntining ezaliri, jumhuriyet xelq partiyesining bashliqi kemal kilichdaroghlu, milliyetchi heriket partiyesining bashliqi dewlet bahcheli, iyi (yaxshi) partiyesining bashliqi meral akshener, aliy hörmet organlirining bashliqliri, herbiy qomandanlar, siyasiy partiye wekilliri, her qaysi idare-organlarning bashliqliri we dölet erkanliri heyet ichidin orun aldi.
jumhur reis rejep tayyip erdoghan we uning hemrahliqidiki heyet atatürkning qebrisige gülchembirek qoydi, arqidin hörmette turdi we istiqlal marshi oquldi.
rejep tayyip erdoghan misaki milliy munarida, xatire sariyining mexsus deptirige béghishlima yazdi.
rejep tayyip erdoghan: «dölitimizning pütünlükige, dölitimizning mewjutluqigha, aliyjanab millitimizning ittipaqliqigha, tinchliqi we qedimki meniwi bayliqigha qest qilinishigha hergiz yol qoymaymiz» dédi.
türk xelqi atatürk ebediylikke seper qilghan enqere waqti 09 din 05 minut ötkende hörmette turdi.
kishiler paytext enqerening eng awat jaylirida, atatürkke bolghan hörmet süpitide bir minut sükütte turdi. aptomobilida kétiwatqan kishilermu aptomobilliridin chüshüp sükütte turdi.
istanbulda 15-iyul shéhitler köwrükide saet 09 din 05 minut ötkende kishiler aptomobilliridin chüshüp sükütte turdi. bu minutlar köktin we yerdin resimge tartildi.
