наса айға адәм әвәтиш пиланини кечиктүрди
америка аләм қатниши идариси-наса (NASA) 2025-йилиғичә айға аләм учқучисини әвәтмәйдиғанлиқини елан қилди.
түркийә авази радийоси хәвири: наса башлиқи бил нелсон (Bill Nelson) насаниң айға адәм әвәтиш нишанини кечиктүргәнликлирини вә буниң 2025-йилдин бурун әмәлийләшмәйдиғанлиқини билдүрди.
у сабиқ пирезидент доналд трампниң айға адәм әвәтиш пиланини тилға елип: «трамп һөкүмитиниң 2024-йилда айға адәм әвәтиш нишани техникилиқ мумкинчиликкә уйғун әмәс иди» деди.
у америка аләм қатниши идарисиниң артемис пирограммиси дәп билинидиған айға адәм әвәтиш нишаниниң 1-вәзиписиниң 2022-йили әтийазғичә, артемис 2-вәзиписиниң 2024-йилғичә, артемис 3-вәзиписиниң 2025-йилғичә кечиктүрүлгәнликини билдүрди.
наса йәнә, аләм учқучилирини айға әвәтишниң кечикишидә, бу йил (2021) ниң бешида «көк мәнбә» (Blue Origin) аләм кемиси ширкитигә мунасивәтлик дәваниңму һәссиси барлиқини қәйт қилди.
наса 2024-йилғичә айға адәм әвәтишни пиланлиған иди. армсчоң (Armstrong) 1969-йили аполло намлиқ аләм кемиси билән тунҗи қетим айға қәдәм басқан аләм учқучиси болған иди.
