бу йил кападокйани икки милйонға йеқин сайаһәтчи зийарәт қилди
түркийәниң әң муһим сайаһәт мәркәзлириниң бири болған кападокйани бу йилниң алдинқи 10 ейида дөләт ичи – сиртидин болуп җәмий бир милйон 917 миң 657 зийарәт қилди.
түркийә авази радийоси хәвири: пәри турхунлири, қийалиқларға ойуп йасалған тарихий қурулушлири, йәр асти шәһәрлири, иссиқ һава шари сайаһити вә тағлиқ район қатнаш васитилири билән қилинидиған сәйлә – сайаһәтлири билән дунйаниң һәрқайси җайлиридин кәлгән сайаһәтчиләрни җәлп қилидиған кападокйа, ковид – 19 тәдбирлири рамкиси ичидә өткән йилиниң йанвар – өктәбир айлири арилиқида 874 миң 424 сайаһәтчини күтүвалғаниди.
бу йилниң охшаш мәзгилидә райондики музей вә харабиликләрни бир милйон 917 миң 657 сайаһәтчи зийарәт қилди.
зәлвә харабиси 534 миң 241 зийарәтчи билән биринчи қатардин орун алған болса, 458 миң 776 сайаһәтчи билән гөрәмә очуқ һава музейи иккинчи рәттин, һаҗи бәкташ вәли музейи 280 миң 680 зийарәтчи билән үчинчилик рәттин орун алди.
район авғустта 428 миң 883 адәм билән әң көп зийарәтчи күтүвалған.
