bosniye-gértségowinadiki qetliamda öltürülgen besh qurban yerlikke qoyuldi
bosniye-gértségowinada 1992-yilidin 1995-yilighiche yüz bergen urushta öltürülgen besh qurban bügün (2021-yili 1-iyun) yerlikke qoyuldi.
türkiye awazi radiyosi xewiri: zwornik shehiride buningdin 29 yil burun sérb qisimliri teripidin öltürülgen bahrija dawtowij, idriz dawtowij, awdija muratowij, derwisa raxmanowij we mejrusa sahbégowij qatarliq besh qurban gornja kalesija shéhitzarliqida yerlikke qoyuldi. bu yerdiki murasimgha qurbanlarning yéqin-yoruqliri qatnashti.
zwornik esir we yoqap ketkenler aililiri jemiyitining bashliqi ehmet grahij bügüngiche 787 kishining yerlikke qoyulghanliqini bildürüp, urush waqtida öltürülgen yüzligen kishining söngek qalduqlirini tapalmighanliqlirini eskertti.
«qara kiyimlik ayallar» namliq teshkilatning mesuli stasa zajéwij sérbyedin kelgenliklirini bildürüp, mundaq dédi:
« zwornikta yzü bergenlerge muansiwetlik dölitimde sunulghan erz, urushning ziyankeshlikige uchrighuchilar üchün nomus qilarliq shekilde mesixirelik halda xulasilendi.»
dadisi idriz dawtowijni yerlikke qoyghan samira dawtowij kabarij oghligha chong dadisining ismini qoyghanliqini eskertip: «söngekliri ötken yili (2020) tépilghan idi, emma wuxen wirusi sewebidin yerlikke qoyalmighan iduq» dédi.
bosniye-gértségowinadiki urushta, zwornik shehiride 2 mingdin artuq boshnaq öltürülgen idi.
