19-may azadliq urushining birinchi qedimi
bügün (2021-yili 19-may) azadliq urushini bashlash üchün tashlanghan qedemning 120-yilliqi tebriklenmekte.
türkiye awazi radiyosi xewiri: 19 -may atatürkni xatirilesh, yashliq we tenterbiye bayrimi, bu yil mexsus ötküzülgen murasimlardin bashqa, intérnét tor dunyasidimu tebriklinidu.
19-may atatürkni xatirilesh, yashliq we tenterbiye bayrimigha atalghan tunji murasim, paytext enqerediki atatürk xatire sariyida ötküzülidu. tenterbiye ministiri mehmet muherrem kasapoghlu we uning hemrahliqidiki heyet, atatürkning qebrisini ziyaret qilidu.
muawin jumhur reis fuat oktay we milliy maarip ministiri ziya selchuk intérnétta 81 wilayettiki toluq ottura mektep oqughuchiliri bilen körüshidu. her qaysi siyasiy partiyelerning rehberlirimu atatürk xatire sariyini ziyaret qilidu.
saet 19 din 19 minut ötkende, barliq sheherlerde, öylerning balkon we dérize hemde tenterbiye meydanlirida istiqlal marshi oqulidu. memliketning her qaysi jaylirida, wuxen wirusigha qarshi yolgha qoyulghan tedbirlerge boysunghan halda yügresh, aptomobil etretliri, konsértlar, awaz we nur nomurliri qatarliq paaliyetler ötküzülidu.
