fayzér yil axirighiche wuxen wirusi dorisini bazargha salidighanliqini élan qildi
amérika dora shirkiti fayzér (Pfizer) wuxen wirusi (Kovid-19) dorisining deslepki basquch sinaqlirining ötkenlikini we mushu yil (2021) ning axirighiche bazargha salidighanliqining texmin qiliniwatqanliqini élan qildi.
türkiye awazi radiyosi xewiri: fayzér dora shirkitining ijraiye kéngishi bashliqi shundaqla yuqiri derijilik bashqurghuchisi albért borla (Albert Bourla) wuxen wirusi waksinasi bilen teminlesh we waksinaning eks tesirliri toghrisida munazireler dawamlishiwatqan bir waqitta, wuxen wirusi dorisining 2021-yilining axirighiche bazargha sélinish mumkinlikini bildürdi.
u «PF-07321332» isimlik dorining wirusning oxshimighan wariyantlirigha qarshi turushta, ilgiriki dorilargha qarighanda yuqiri ünümlük netije bérishi mumkinlikini eskertti.
dorining yuqumlinishning deslepki basquchida, dawalashta qollinilidighanliqi bilinmekte.
fayzérning ilmiy tetqiqat ishliri mesuli maykél dolstén (Mikael Dolsten): « PF-07321332ni yuqumning deslepki alametliri körülgende, bémarlarning doxturxanida yétip dawalinishigha yaki jiddiy dawalinishgha kérek bolmastin, rétsip yézip bérilidighan dawalash yoshurun küchige qilip yasiduq» dédi.
dora wuxen wirusining kishi bedinide köpiyishining aldini alidu.
fayzérning mezkur dorisi mart (2021) ning bashlirida birinchi basquchluq sinaqtin ötken idi.
مۇناسىۋەتلىك خەۋەرلەر
nigériyelik yash süniy chach yasashta jinés dunya rékortigha kirdi
nigériyelik süniy chach ustisi özi yasighan «eng keng süniy chach» jinés dunya rékortigha kirdi.
