wirus bilen yuqumlanghanlarni opératsiye qilish xeterlik

türkiye awazi radiyosi xewiri: engliydiki birmingham (Birmingham) uniwérstétining tetqiqati ramkisida, 25 mingdin artuq wirach awstiraliye, biraziliye, xitay, hindistan, ereb birleshme xelipiliki, engliye we amérika qatarliq 116 dölettiki 1 ming 674 doxturxanida, 140 ming 727 bémarning melumatliri toplinip, opératsiyege munasiwetlik keng dairilik tetqiqat netijisi élan qilindi.

 türkiyedin gazi uniwérstéti tibbiy fakultétining opératsiye kespi oqutquchisi piroféssor doktor sezai lewentoghlu bilen medeniyet uniwérstéti tibbiy fakultétining opératsiye kespi oqutquchisi dochent doktor arda ishiq bashchiliq qilghan tetqiqatqa, türkiyediki 46 merkezning opératsiye tetqiqatchiliri ishtirak qildi.

netijiliri «anestezi» namliq ilmiy zhurnalda élan qilinghan tetqiqatta, wuxen wirusi bilen yuqumlinip alte hepte ichide opératsiye qilinghan bémarlarda, ölüm xewpining ashqanliqi qeyt qilindi.

birmingham uniwérstétining oqutquchisi dmitri népogodiyéw (Dmitri Nepogodiev) tetqiqat heqqide élan qilghan maqaliside, «mumkin bar opératsiyeni wuxen wirusi bilen yuqumlanghanliqi heqqide diyagnoz qoyulup, aridin eng az yette hepte ötkende yaki yuqum alametliri dawamlashqan teqdirde yaxshilinish bolghiche kéchiktürülüshini teklip qilimiz» dédi.

tetqiqatqa qatnashqan piroféssor doktor sezai lewentoghlu: «opératsiyedin kéyin, öpke yallughi nisbitining, wuxen wirusi bilen yuqumlinip alte hepte ichide opératsiye qilinghan bémarlarda ashidighanliqi؛ eng az yette hepte ötkendin kéyin opératsiye qilinghan bémarlarning bolsa, késel bolushtin ilgiriki haligha qaytqanliqi otturigha chiqti. opératsiye qilinghan bémarlarda, ölüm nisbiti 2-0 heptide %4, 4-3 heptide %4 we 6-5 heptide %3.6  ashidighanliqi؛ wuxen wirusi diyagnozi qoyulup aridin 8-7 hepte ötkende opératsiye qilinghanlarda, bu nisbetning %1.5 bolghanliqi ispatlandi» dédi.