t r t ékranlirida 1921-yili simwol qilinghan «bir awaz bir yürek» pirogrammiliri qoyulidu
türkiye radiyo-téléwiziye idarisi- t r t istiqlal marshi qobul qilinghanliqining 100-yilliqi munasiwiti bilen 1921-yiligha simwol qilip, enqere waqti 19:21 de «bir awaz bir yürek» pirogrammisi tarqitidu.
türkiye awazi radiyosi xewiri: t r t 1921-yiligha simwol qilip, enqere waqti 19:21 de «bir awaz bir yürek» pirogrammisi tarqitidu.
t r t ning bu heqtiki melumatigha asaslanghanda, türkiye xelqining musteqil kürishining milliy ittipaqliq we barawerlikining simwoli bolghan istiqlal marshi qobul qilinghanliqining 100-yilliqi mezgilide alahide mezmunliq pirogrammilar tamashibinlarning huzurida bolidiken.
türkiye jumhur reisi rejep tayyip erdoghanning 2021-yilini «mehmet akif we istiqlal marshi yili» dep élan qilishi bilen bügün üchün alahide mezmunliq pirogrammilarni teyyarlighan t r t, enqere waqti 19 din 21 minut ötkende 12-mart mexsus istiqlal marshi pirogrammisini téléwiziye we radiyo qanallirida birla waqitta tarqitidu.
jumhur reis rejep tayyip erdoghan beshtepe xelq kongre we medeniyet merkizide ötküzülidighan «mehmet akif we istiqlal marshi yili» pirogrammisimu bügün (2021-yili 12-mart) enqere waqti 21:30 da t r t awaz da, 23:45 te t r t 1 de qoyulidu.
t r t höjjetlik filim qanilida bügün enqere waqti 17:25 te qoyulidighan «akif» namliq höjjetlik filimde, istiqlal marshining aptori shair mehmet akif ersoyning baliliq mezgili bilen hayati tonushturulidu.
«1-t r t radiyo» bilen höjjetlik pirogramma radiyoliri bügün kün boyi mexsus méhmanlarning qatnishishi bilen tarqitilidighan pirogrammiliri bilen, istiqlal marshining qobul qilinishi we mehmet akif ersoyni tonushturidu.
«t r t xeber» qanili kün boyi mutexessislerning qatnishishida, mehmet ersoy bilen istiqlal marshi qobul qilinghanliqining 100-yili heqqidiki pirogrammilarni tarqitidu.
