dohada «islam dunyasi medeniyet paytexti» féstiwali bashlandi

türkiye awazi radiyosi xewiri: qatar medeniyet ministiri salah bin ghanim eleli, qatar medeniyet kenti we islam senet muzéyining échilish murasimida qilghan sözide, islam jughrapiyesidin yawropaghiche tarqalghan ilim-pen we senetning herqaysi saheliride köpligen muhim eserlerning barliqini, latin tiligha terjime qilinghan bu eserlerning, dunya uniwérsitétlirining asasliq menbelirige aylanghanliqini eskertti.

qatar bash ministiri sheyx xalid bin xelife bin abduleziz assani bolsa, ammiwi ortaqlishish tor béti Twitter sehipiside élan qilghan bayanatida, dölitining medeniyet we islam miraslirigha bolghan étiqadiy yiltizlirining intayin chongqurluqini eskertish bilen bir waqitta, bu dairide, onlarche layihening ishqa ashurulushini qollawatqanliqini tekitlidi.

«2021 – yilliq islam dunyasi medeniyet paytexti» paaliyetliri,  islamiy maarip , ilim-pen we medeniyet teshkilati (ISESCO) bilen qatar medeniyet we tenterbiye ministirliqidin sirt yene, dölettiki nurghun ministirliq we organlarning qatnishishi bilen ötküzülidu.

ISESCO teripidin, 2005-yili ishqa kirishtürülgen «islam dunya medeniyet paytexti» layihesi dairiside, tallanghan paytextlerde yil boyi türlük medeniyet paaliyetliri ötküzülmekte.