amérikaliq ayal «tirilish ertughrul» din tesirlinip musulman boldi
amérika qoshma shtatlirining wiskonsin ishtatida 60 yashliq bir ayal «tirilish ertughrul» téléwiziye tiyatiridin tesirlinip musulman boldi.
türkiye awazi radiyosi xewiri: wiskonsin ishtatining kichik bir yézisida yashawatqan amérikaliq xatije, «tirilish ertughrul» téléwiziye tiyatirida eng köp ertughrul, turghut we seljan xatun pérsonazhlirini eng yaxshi köridiken.
tarixiy téléwiziye tiyatirida muhyiddin ibni erebi pérsonazhining diniy mezmunlarni öz ichige alghan diyalogliri, amérikaliq ayalning hayatigha yéngi bir menilik muhitni qoshqan.
xatije, «tirilish ertughrul» téléwiziye tiyatirining islam dinigha yüzlinishi we heqiqetlerni öginishide muhim rol oynighanliqini tekitlep mundaq dédi: «tarixqa bolghan qiziqishim méni <tirilish ertughrul> téléwiziye tiyatirigha bent qilip qoydi, bextimge yarisha bu téléwiziye tiyatirini körüptikenmen, chünki bu téléwiziye tiyatiri méning nezer dairemni kéngeytti, shuning bilen, men islam dinini tonush pursitige érishtim.»
islam dini heqqide téximu köp melumatqa érishish üchün nahayiti köp quran kerimning inglizche terjimisini oqughanliqini eskertken xatije, hazirqi nishanining deslepki qedemde türkiyeni körüsh, hetta türkiyege yerlishish ikenlikini qeyt qildi.
türk taamlirining temini tétishqa sel qarimaydighanliqinimu éytqan we tamaq étish usullirigha qarap, bir qisim türk taamlirini étishni sinap baqqanliqini bayan qilgha xatije, bowisining norwégiyedin amérikagha kelgenlikini, yéqinda DNA tekshürtkenlikini we yiltizlirida biraz bolsimu türk izi körüshni ümid qilidighanliqini tekitlidi.
