граммей мукапатлирини тарқитиш мурасими кечиктүрүлди

түркийә авази радийоси хәвири: «роллиң стон» намлиқ нахша - музика тори, 31- йанварда калифорнийәниң лос анжелес шәһиридә өткүзүлүши пиланлиниватқан мукапат тарқитиш мурасиминиң ковид -19 вируси билән йуқумланғучилар саниниң көпийип кәткәнлики сәвәбидин кечиктүрүлгәнлики вә бу һәқтики рәсмий байанатниң йеқинда елан қилинидиғанлиқини илгири сүрди.

мукапатлаш мурасимини уйуштуридиған Recording Academy исимлик органниң мәсули харвей масон нойабир ейидики намзатларниң исимлири елан қилинған бир сөһбәт пирограммисида, аз санда тамашибин қатнишидиған бир паалийәтниң пиланлиниватқанлиқини, әмма башқа тәпсилатларға мунасивәтлик хизмәтләрниң техиму ишлиниватқанлиқини билдүргәниди.

америка таратқулиридики һәр хил хәвәрләрдә мукапатлаш кечиликиниң мартта өткүзүлүшиниң тәхмин қилиниватқанлиқи илгири сүрүлди.

63- нөвәтлик граммей мукапатиға тоққуз түрдә намзатлиққа көрситилгән америкалиқ мода чолпини беонсе, граммей тарихидики әң көп намзатлиққа көрситилгән айал сәнәткарға айланди.

беонседин қалса тайлор свифт, родди рич вә ду липа қатарлиқлар алтә түрдә намзатлиққа еришти.

2020- йили йуқум сәвәбидин MTV син музика мукапатлири, латин граммейлири вә еммий мукапатлри қатарлиқ нурғун мукапатлаш мурасимлири торда өткүзүлгән йаки наһайити аз санда кишиниң иштирак қилиши билән мурасим заллирида өткүзүлгәниди.