2020-йили әң иссиқ болған бир йил болған
б д т муһит пирограммиси (UNEP), бу йил (2020) вухән вируси (Kovid-19) сәвәбидин карбон қойуп беришниң %7 азайғанлиқини, шундақтиму йәр шари температурасиниң үч градус өрләшкә қарап меңиватқанлиқини елан қилди.
түркийә авази радийоси хәвири: б д т муһит пирограммиси байанат елан қилип, һәр қайси дөләтләр «париж килимат өзгириши келишими» дә бәлгиләнгән вәдисидә турған әһвалда, йәр шари температурасиниң өрлишини икки градус әтрапида тизгинләп турғили болидиғанлиқини, буниң үчүн килиматни мәркәз қилған муһит селинмилирини көпәйтиши керәкликини билдүрди.
байанатта, б д т муһит пирограммисиниң иҗраийә директори ингер андерсен (Inger Andersen) ниң бу һәқтә ейтқан: «2020-йили рекорт сәвийәдә иссиқ болған йиллардин бири болди. контрол қилиналмиған от апәтлири, боран вә қурғақчилиқлар муһитқа давамлиқ зийан салмақта» дегән сөзлиригә орун аҗритилди.
дунйа метерологийә тәшкилати өткән һәптә елан қилған йиллиқ килимат өзгириши доклатида, 2020-йилиниң 2016 вә 2019-йилидин кейин, рекорт сәвийәдә иссиқ болған үчинчи йил болуш йолида илгириләватқанлиқини қәйт қилған иди.
