ughur shahin bilen özlem türeji köchmenlerning ülgisi boldi
xelqara köch teshkilati (IOM) ning 111-nöwetlik kéngesh yighinida, wuxen wirusi(Kovid-19) gha qarshi waksina tetqiq qilip yasighan gérmaniyelik türk alimlardin ughur shahin we özlem türejining muweppeqiyiti ülge körsitildi.
türkiye awazi radiyosi xewiri: b d t köch teshkilatining bash diréktori antoniyo witorino (AntonioVitorino) teshkilatning jenwe shehiridiki merkizide ötküzülgen kéngesh yighinida söz qildi.
u wuxen wirusigha qarshi kshini eng ümidlendüridighan waksinalardin birini tetqiq qilip yasap chiqqan alimlardin ikkisining türkiyelik köchmenlerning baliliri bolushining, köchning heqiqetenmu hemme kishige artuqchiliqlarni élip kéleleydighanliqini körsitidighanliqini bildürdi.
ughur shahin 1965-yili türkiye iskendérunda tughulghan bolup, töt yéshida anisi uni élip gérmaniyede ford fabrikasida ishleydighan dadisining yénigha, yeni kölngha köchüp kelgen. u tibbiy kesipte oqughandin kéyin, rak késellikliri tetqiqati bilen shughullanghan. uning 2019-yili qolgha keltürgen tetqiqat netijisi, gérmaniye rak késellikliri jemiyitining mukapatigha érishken idi.
ughur shahinning ayali doktor özlem türeji istanbuldin gérmaniyege köchken doxtur ailining qizi bolup, u oqush püttürgen hamburgdiki saarland uniwérstétida ughur shahin bilen tonushqan.
gérmaniyede biyo téxnologiye shirkiti «bionték» wuxen wirusigha qarshi tetqiq qilip yasighan waksina ünümining %95 ke yetkenlikining élan qilinishi bilen, shirketning qurghuchiliri bolghan türkiyelik köchmen baliliri piroféssor doktor ughur shahin we ayali doktor özlem türeji, insaniyetke ümid béghishlighan muweppeqiyetke érishken idi.
