уғур шаһин билән өзләм түрәҗи көчмәнләрниң үлгиси болди
хәлқара көч тәшкилати (IOM) ниң 111-нөвәтлик кеңәш йиғинида, вухән вируси(Kovid-19) ға қарши ваксина тәтқиқ қилип йасиған германийәлик түрк алимлардин уғур шаһин вә өзләм түрәҗиниң мувәппәқийити үлгә көрситилди.
түркийә авази радийоси хәвири: б д т көч тәшкилатиниң баш директори антонийо виторино (AntonioVitorino) тәшкилатниң җәнвә шәһиридики мәркизидә өткүзүлгән кеңәш йиғинида сөз қилди.
у вухән вирусиға қарши кшини әң үмидләндүридиған ваксиналардин бирини тәтқиқ қилип йасап чиққан алимлардин иккисиниң түркийәлик көчмәнләрниң балилири болушиниң, көчниң һәқиқәтәнму һәммә кишигә артуқчилиқларни елип келәләйдиғанлиқини көрситидиғанлиқини билдүрди.
уғур шаһин 1965-йили түркийә искәндерунда туғулған болуп, төт йешида аниси уни елип германийәдә форд фабрикасида ишләйдиған дадисиниң йениға, йәни көлнға көчүп кәлгән. у тиббий кәсиптә оқуғандин кейин, рак кесәлликлири тәтқиқати билән шуғулланған. униң 2019-йили қолға кәлтүргән тәтқиқат нәтиҗиси, германийә рак кесәлликлири җәмийитиниң мукапатиға еришкән иди.
уғур шаһинниң айали доктор өзләм түрәҗи истанбулдин германийәгә көчкән дохтур аилиниң қизи болуп, у оқуш пүттүргән һамбургдики саарланд универстетида уғур шаһин билән тонушқан.
германийәдә бийо технологийә ширкити «бионтек» вухән вирусиға қарши тәтқиқ қилип йасиған ваксина үнүминиң %95 кә йәткәнликиниң елан қилиниши билән, ширкәтниң қурғучилири болған түркийәлик көчмән балилири пирофессор доктор уғур шаһин вә айали доктор өзләм түрәҗи, инсанийәткә үмид беғишлиған мувәппәқийәткә еришкән иди.
مۇناسىۋەتلىك خەۋەرلەر
нигерийәлик йаш сүний чач йасашта җинес дунйа рекортиға кирди
нигерийәлик сүний чач устиси өзи йасиған «әң кәң сүний чач» җинес дунйа рекортиға кирди.