su haywanlirighimu wuxen wirusining yuqush éhtimali bar

türkiye awazi radiyosi xewiri: «kündilik pochta géziti» (The Daily Mail) ning doklatigha qarighanda, kanada «Halifax Dalhousie»  unwérsitétining tetqiqatida, kit, délfin (yunus béliqi) we déngiz shiri qatarliq suda yashaydighan süt emgüchi haywanlarning wuxen wirusi bilen yuqumlinish éhtimali üstide tetqiq élip barghan.

tetqiqatta, suda yashaydighan 36 süt emgüchi haywinining génliri tekshürülgen bolup, ulardin kem dégende 15 ining wuxen wirusi xewipige duch kelgenliki bayqalghan.

alimlar déngiz-okyan süt emgüchilerdiki «angiyotinsinni aylandurush énzim 2» (ACE2) dep atilidighan aqsil férméntining, yuqumgha seweb bolidighanliqini ilgiri sürdi.

alimlar suda yashaydighan süt emgüchi haywanlarning insanlargha qarighanda téximu asan yuqumlinidighanliqini eskertip, yoqilish girdabigha bérip qalghan déngiz janliqlirining paskina su arqiliq yuqumlinishi mumkinlikini agahlandurdi.

tetqiqat guruppisining xalifakis dalxusyé uniwérsitéti késellikler bölümining tetqiqat diréktori graxam délléyér (Graham Dellaire) mundaq dédi:

«suda yashaydighan süt emgüchi haywanlar ilgiri hayatigha tehdit salidighan, jiger we öpke zeximlinishini keltürüp chiqiridighan oxshimighan tiptiki tajisimighan wirus bilen yuqumlanghan.»

 bu tetqiqat netijisi «omumiy muhit ilmi» (Total Environment) zhurnilida élan qilindi.