patara qedimki shehiride 2 ming yilliq tarixiy yadikarliq tépildi
antalyaning kash rayonidiki qedimki patara shehiride arxéologiyelik qézish jeryanida yilan shekillik «qurbanliq supisi» tépildi.
türkiye awazi radiyosi xewiri: nurghunlighan medeniyetlerge sahibxanliq qilghanliqi üchün «medeniyetning böshüki» dep atalghan qedimki sheher pataradiki arxéologiyelik qézishlarda tépilghan asare-etiqiler, ilim-pen dunyasini özige jelp qilip kelmekte.
arxéologiyelik qézishlarda tépilghan eserlerde, insanlarning turmushigha munasiwetlik muhim izlar bolghan likya birleshmisining paytexti patara shehiridiki rim munchisi we sépil birleshmisi axirlashqan rayonda élip bérilghan arxéologiyelik qézishta, yilan süriti bar qurbanliq supisi tépildi.
tépilghan yerdin chiqirilghan we qézilghan öyning baghchisigha qoyulghan qurbanliq supisi, eslige keltürüsh xizmitidin kéyin demri muzéyida körgezme qilinidu.
antalya bilim uniwérsitéti arxéologiye fakultéti oqutquchisi we patara qedimki sheher qézish ishlirining muawin mesuli doktor dochent mustafa kochak tépilghan qurbanliq supisida chong yilan süritining barliqini bildürüp, 2 ming yilliq tarixqa ige ikenlikini eskertti.
u yene tépilghan yadikarliqning mermer tashtin yasalghanliqini bayan qildi.
