bügün dunya muhit künide 10 xelq baghchisi échilidu
muhit we sheher bashqurush ministirliqi teripidin qurulushi axirlashqan 10 xelq baghchisi, bügün (5-iyun) dunya muhit künide, türkiye jumhur reisi rejep tayyip erdoghanning qatnishishi astida murasim bilen échilidu.
türkiye awazi radiyosi xewiri: 5 -iyun dunya muhit künide, enqere atatürk medeniyet merkizi xelq baghchisida ötküzülidighan murasim bilen teng, istanbul pendik we halkali, sakarya, samsun, siwas, diyarbakir, trabzon, batman, bursa we elazighlarda qurulushi axirlashqan 10 xelq baghchisi échilidu.
muhit we sheher bashqurush ministiri murat kurum twittérda hembehirligen widéoda, jumhur reis rejep tayyip erdoghanning bashchiliqida, 81 wilayette 81 milyon kiwadratmétir xelq baghchisi échish nishanigha qarap qetiylik bilen ilgirilewatqanliqlirini eskertip: «jumhuriyitimizning 100-yiligha, 2023-yiligha qarap ilgirilewatqan waqtimizda, dölitimizning simwolluq layiheliridin biri bolghan xelq baghchilirimiz, 1000 yilliq sheherchilik enenimizning eks étishi, tebiet bilen sheherlirimizni we kishilirimizni uchrashturidighan köwrükke aylinidu» dédi.
istanbulda échilidighan 285 ming kiwadratmétir kélidighan pendik xelq baghchisida, 11 ming 245 métirliq wélispit yoli, 5 ming 410 métirliq piyade yoli, 4 ming 784 tüp derex, 31 ming 066 chali we her xil ösümlükler bar.
halkali xelq baghchisining chongluqi 98 ming kiwadratmétir kélidighan bolup, 1600 métirliq wélispit yoli, 3 ming 680 métirliq piyade yoli, 4 ming 483 tüp derex, 103 ming 506 chali we her xil ösümlükler bar.
halkali xelq baghchisida yene, 180 kishi namaz oquyalaydighan jame we oxshimighan chongluqtiki köl hemde su üzüsh kölchekliri bar.
yéngi échilidighan baghchilar bilen istanbuldiki xelq baghchilirining sani toqquzgha chiqidu.
