бүгүн дунйа муһит күнидә 10 хәлқ бағчиси ечилиду

түркийә авази радийоси хәвири: 5 -ийун дунйа муһит күнидә, әнқәрә ататүрк мәдәнийәт мәркизи хәлқ бағчисида өткүзүлидиған мурасим билән тәң, истанбул пәндик вә һалкали, сакарйа, самсун, сивас, дийарбакир, трабзон, батман, бурса вә әлазиғларда қурулуши ахирлашқан 10 хәлқ бағчиси ечилиду.

муһит вә шәһәр башқуруш министири мурат курум твиттерда һәмбәһирлигән видеода, җумһур рәис рәҗәп таййип әрдоғанниң башчилиқида, 81 вилайәттә 81 милйон кивадратметир хәлқ бағчиси ечиш нишаниға қарап қәтийлик билән илгириләватқанлиқлирини әскәртип: «җумһурийитимизниң 100-йилиға, 2023-йилиға қарап илгириләватқан вақтимизда, дөлитимизниң символлуқ лайиһәлиридин бири болған хәлқ бағчилиримиз, 1000 йиллиқ шәһәрчилик әнәнимизниң әкс етиши, тәбиәт билән шәһәрлиримизни вә кишилиримизни учраштуридиған көврүккә айлиниду» деди.

истанбулда ечилидиған 285 миң кивадратметир келидиған пәндик хәлқ бағчисида, 11 миң 245 метирлиқ велиспит йоли, 5 миң 410 метирлиқ пийадә йоли, 4 миң 784 түп дәрәх, 31 миң 066 чали вә һәр хил өсүмлүкләр бар.

һалкали хәлқ бағчисиниң чоңлуқи 98 миң кивадратметир келидиған болуп, 1600 метирлиқ велиспит йоли, 3 миң 680 метирлиқ пийадә йоли, 4 миң 483 түп дәрәх, 103 миң 506 чали вә һәр хил өсүмлүкләр бар.

һалкали хәлқ бағчисида йәнә, 180 киши намаз оқуйалайдиған җамә вә охшимиған чоңлуқтики көл һәмдә су үзүш көлчәклири бар.

йеңи ечилидиған бағчилар билән истанбулдики хәлқ бағчилириниң сани тоққузға чиқиду.