istanbulda 3-qétimliq musulman diniy rehberler yighini échilidu
türkiye diniy ishlar idarisining bashliqi eli erbash bügün (22-öktebir) bamdat namizida 3-qétimliq musulman diniy rehberler yighini üchün istanbulgha yétip kelgen heyetler we afriqaliq imam xatip oqughuchiliri bilen körüshti.
türkiye awazi radiyosi xewiri: türkiye diniy ishlar idarisining bashliqi eli erbash eyyub sultan jameside yighin ishtirakchiliri we oqughuchilar bilen birlikte bamdat namizini oqudi.
eli erbash namazdin kéyin sözini, süriyening shimalida bölgünchi térrorluq teshkilati y p g|p k k we daéshqa qarshi élip bérilghan tinchliq buliqi herikitige qatnashqan xewpsizlik qisimlirigha dua qilish bilen bashlidi.
u bamdat namizini afriqadiki 52 dölettin kelgen diniy rehberler, din ishlirigha mesul ministirlar, muptilar we oqughuchilar bilen birlikte qilghanliqini eskertip, bügün axirlishishi pilan qilinghan yighinda, afriqa musulmanlirining mesililirining muhakime qilinidighanliqini bildürdi.
u türkiyening yardemliri toghrisida toxtilip, zakat we qurbanliq yardemlirini 149 döletke yetküzgenliklirini؛ shunga, bu beriketlik xizmetlerning netijiside 52 dölettin kelgen musulman qérindashlarning bügün bu yerde ikenlikini qeyt qildi.
u, bu musulman döletlerdin kelggn texminen 20 ming oqughuchining türkiyede oquwatqanliqini eskertti.
u axirida, diniy rehberler we oqughuchilar bilen birlikte eyyub sultan meqberisini ziyaret qildi.
