t r t world munbiri bashlandi

türkiye awazi radiyosi xewiri: dunyada otturigha chiqqan yéngi, medeniyet, siyaset, iqtisad we ijtimaiy mesililerge dunya xaraktérlik hel qilish charilirini tépish meqsitide pikir ademlirini bir yerge jem qilghan t r t ning 3-nöwetlik 2019-yilliq «t r t world munbiri» (TRT World Forum) bashlandi.

munber ikki kün dawamlishidighan bolup, istanbul kongre merkizide türkiye tashqi ishlar ministiri mewlüt chawushoghlu ishtirak qilghan «yer sharilishishning kirizisi: xewplerwe pursetler» témiliq mexsus yighin bilen bashlandi.

türkiye jumhur reisi rejep tayyip erdoghanmu rayonning tesiri küchlük paaliyetliridin biri süpitide qobul qilinghan «t r t world munbiri» de, «yer sharilishishta chékinish: dunya tertipining eks étishi» témiliq mexsus yighinda söz qilidu.

künimizdiki eng muhim yer shari xaraktérlik mesililerge merkezleshken munber, dunyaning her qaysi jayliridiki yerlik we chet ellik yüzlerche siyasetchini, soda-sanaetchilerni, akadémiklarni, paaliyet aktiplirini, zhurnalistlarni, jamaet erbablirini bir yerge jem qilidu. munberde échilidighan mexsus yighinlargha, oxshimighan döletlerdin we idare-organlardin kelgen doklat bergüchiler, dölet bashliqliri, hökümet bashliqliri, ministirlar, akadémiklar ishtirak qilidu. munberde, ashqun ongchi we solchi térrorluq, awamizm we milletchilikning yuqiri örlishi, soda urushliri, yawropa ittipaqining kélechiki we yükselgen küchlerning hemkarliqi qatarliq mesililer talash-tartishlarning bir parchisi bolidu. pütkül dunyagha munasiwetlik siyasiy, iqtisad we ijtimaiy mesililer muzakire qilinidighan mexsus yighinlarning témiliri töwendikiche:

yer sharilashqan dunyada kimlik siyasetliri

 yükselgen küchler üchün yéngi upuqlar: riqabetmu yaki hemkarliqmu?

urush linyeside nato: yéngi xewpsizlik tehditliri

térrorluqning yéngi yüzi: ashqun ongchiliq

hemmini öz ichige alidighan iqtisadiy éshish: insaniy diplomatiye üstide qaytidin oylinish

ottura sherqte özgirishchan tengpungluqlar we rayonluq hemkarliq

jemal qashiqchi jinayiti: rayonluq géopolitikaning eks étishimu?

küchlük bashqurush: musapirlar kirizisi we yawropa, yawropa ittipaqi üchün axirlishishning bashlinishimu?