marsta awaz anglandi
amérika awiyatsiye we alem qatnishi idarisi-nasa(NASA) ning marsqa chiqarghan yer tewresh apparati insayt (InSight), 100 din artuq awazni aldi.
türkiye awazi radiyosi xewiri: nasa insaytning marsta alghan awaz nusxilirini kishiler angliyalaydighan shekilde élan qildi.
nasaning bayanatida, insayt alghan 100 din artuq awazning 21 sining «küchlük yer tewresh éhtimali» dep texmin qilinghanliqi, bashqilarning qalduq yer tewresh yaki bashqa sheyiyler bolushi mumkinliki eskertildi.
bayanatta, yer tewresh tekshürüsh apparatining özining heriketlirini we méxanikiliq awazlardin bashqa, marstiki shamallarning awazini angliyalaydighan derijide sezgür ikenliki qeyt qilindi.
bildürülishiche, insayt apparati marsqa 2018-yili noyabir éyida chiqirilghan bolup, tunji yer tewresh silkinishliridin peyda bolghan awazni aprél éyida alghan idi.
alimlar marstiki yer tewreshni tetqiq qilip, marsning peyda bolush jeryani heqqide téximu köp melumatlargha ige bolushni ümid qilmaqta.
marsning géologiyelik nuqtidin yer sharigha oxshash aktip emesliki we ay sharining tüzülüshige oxshimaydighanliqini bildürmekte.
