bügün miraj qendili kéchisi
islam dunyasida «allahning dergahigha yüksilish we barliq gunahlardin paklinish» dep qobul qilinidighan miraj qendili bügün kéche idrak qilinidu.
türkiye awazi radiyosi xewiri: miraj qendili 8 – mart küni bashlanghan «mubarek üch ay» ning birinchisi bolghan rejeb éyining 27 – kéchisige toghra kélidu.
islam étiqadida, muhemmed eleyhissalam miraj kéchisi allah taalaning dewitige binaen jibriil eleyhissalamning hemrahliqida mesjidi heremdin mesjidi eqsagha, u yerdin asmangha we ilahiy huzurgha yülkselgen, sepiride «buraq» namliq tulpargha minip, sayahet qilghan, dep qarilidu.
shu kéchisi muhemmed eleyhissalamgha bir kéche – kündüzde besh waqit namaz oqush perz qilinghan, allah taalagha shérik keltürmigenlerning jennetke kiridighanliqi toghruluq xush xewer bérilgen, «amener resulu» dep bashlanghan «beqere sürisi» ning axirqi ikki ayiti nazil qilinghan.
shuning bilen bir waqitta, shu kéchisi, allah taala muhemmed eleyhissalamgha hem insanning yashash heqqi, shan – sheripi we ar – nomusini qoghdash, hemde jemiyetning huzuri we bixeterlikini qoghdash nishan qilinghan 12 türlük emirni wehiy qilghan.
igilinishiche, türkiye diniy ishlar idarisi diniy xizmetler bash idarisi teripidin «miraj qendili kéchisi» munasiwiti bilen türlük paaliyetler ötküzülidiken.
