quddusta resim körgezmisi échildi
quddus yunus emre türk medeniyet merkizi teripidin quddusta resim körgezmisi ötküzüldi.
türkiye awazi radiyosi xewiri: quddus yunus emre türk medeniyet merkizi we ibrahimiye mektipining hemkarliqi astida sherqiy quddusta eynek üstide resim namliq körgezme échildi.
sherqiy quddustiki quddus yunus emre türk medeniyet merkizining zalida échilghan bu qétimqi körgezmide, ibrahimiye mektipide senet oqutquchisi bolup wezipe ötewatqan hale bekrining eynek üstige sizip chiqqan 40 parche resimi senetxumarlarning diqqitige teqdim qilindi.
hale bekrining 2 yilliq emgiki netijiside royapqa chiqqan eserler körgezme qilinghan bu qétimqi körgezme, tesewwupni téma qilghan resimlerdin teshkil tapidu. bu qétimqi körgezmige nurghun kishi ishtirak qildi.
eynek üstide resim namliq bu körgezme shenbe künichige quddustiki senetxumarlargha échiwétilidu.
quddus yunus emre medeniyet merkizi, pelestindiki senet paaliyetlirini rawajlandurush meqsitide resim körgezmisi, konsért we shiir oqush qatarliq nurghun sahede paaliyet élip barmaqta.
مۇناسىۋەتلىك خەۋەرلەر
nigériyelik yash süniy chach yasashta jinés dunya rékortigha kirdi
nigériyelik süniy chach ustisi özi yasighan «eng keng süniy chach» jinés dunya rékortigha kirdi.
