samsundiki yéza mektipining ayal oqutquchisi xelqaraliq mukapatqa érishti

türkiye awazi radiyosi xewiri: samsunning charshenbe nahiyesi kumköy (qum yézisi) bashlanghuch mektipining oqutquchisi dilek liwaneli yawropa parlaméntining «yawropa xelqaraliq ayallarning rehberliki makapati» gha layiq körüldi.

dilek liwaneli yawropa parlaméntidiki murasimda qilghan sözide, oqutquchiliq hayati boyiche her bir oqughuchisining yoshurun küchke ige ikenlikini bayqighanliqini bildürüp: «qilishim kérek bolghan birdinbir ishim, bularni bayqash bolup, özini özige qandaq ishengen halda ipade qilalaydighanliqini tépish idi» dédi.

u yézida 8-mart ayallar bayrimini tebrikligenliklirini eskertip: «yézidiki ayallar we oqughuchilargha, ghaye, gheyret-shijaet, alaqe qatarliq jehetlerde ilham bérish kérek. eger buningda muweppeqiyet qazanghanda, kishiler bir küni bizge ishinidu, bizni söyidu we bizge egishidu» dédi.

u ayallarning rehberliki toghrisida toxtilip: «ayallarning öz wezipisini orunlash jehette tebiiy iqtidari bar. peqet özige bolghan ishenchini ashkarilashqa ruxset qilish kérek» dédi.

biryussél uniwérstéti (VUB) doktorluq oqushini tamamlighandin kéyin, tetqiqat xizmiti bilen shughulliniwatqan doktor mine yildizmu yawropa parlaméntining mukapatigha érishken sekkiz ayal qataridin orun aldi.

dilek liwaneli karxanichi esli hindistanliq bolghan amérika puqrasi sanni workéy (Sunny Varkey) ning maarip saheside layihe tereqqiy qildurush meqsitide qurghan we amérikaning sabiq pirézidénti bil klinton pexri reislik wezipisini ötewatqan «workéy jéms» (Varkey Gems) wexpi ötküzgen dunya oqutquchi mukapati komitéti tallighan eng yaxshi 50 oqutquchi arisigha kirgen idi.