türkiye oqush mukapatigha 145 ming 700 kishi iltimas qildi
chet eldiki türkler we qérindash xelqler idarisining türkiye oqush mukapati pirogrammisigha qilinghan iltimaslar sanining 100 mingdin éship ketkenliki bildürüldi.
türkiye awazi radiyosi xewiri: chet eldiki türkler we qérindash xelqler-y t b (YTB) idarisining bashliqi abdullah eren 2012-yili 42 ming iltimas tapshuruwalghan türkiye oqush mukapati pirogrammisining 2019-yildin bashlap dunyadiki 167 dölettin kelgen 145 ming 700 iltimas bilen, rékort sewiyede iltimas tapshuruwalghanliqini élan qildi.
y t b élan qilghan we abdullah erenning qarashlirigha orun ajritilghan yazma bayanatta, 2019-yilliq iltimas qobul qilsh xizmitining axirlashqanliqi eskertilish bilen birge, türkiye oqush mukapatigha iltimas qilghanlargha teshekkür éytildi.
qeyt qilinishiche, abdullah eren: «türkiye oqush mukapatigha bolghan qiziqish bizni tolimu xursen qilidu. bizmu her yili éshiwatqan qiziqish we telepke jawaben mukapat bérish imkaniyetlirimizni ashurushqa, shundaqla tereqqiy qilidurushqa tirishiwatimiz. bu yilqi teleplerning köp bolushi seweblik iltimas qilish waqtini uzarttuq. türkiye oqush mukapatining türkiyede aliy maaripning xelqaraliq sewiyege yétishide muhim rol oynidi. nishanimiz mukapatqa érishken 17 ming oqughuchi sanini 2023-yili 25 minggha chiqirish» dégen.
her yili türkiye oqush mukapati pirogrammisi ramkisida, otturiche hésab bilen 5 ming oqughuchigha oqush mukapati bérilidu. peqet chet el puqraliqidiki oqughuchilar paydilinalaydighan bu oqush mukapatigha, her yili belgilengen waqitlarda intérnét arqiliq iltimash qilghili bolidu.
